കാണുന്ന സ്വപ്നങ്ങളിലെല്ലാം പതിവായ് ചെന്നെത്തുന്ന ഒരു താഴ്വരയുണ്ട്..
മഞ്ഞമന്ദാരങ്ങള് മാത്രം വിരിഞ്ഞ് നില്ക്കുന്ന ഒരു സ്വപ്ന താഴ്വര...
അങ്ങിനെയൊരു താഴ്വര ഭൂമിയിലുണ്ടോ..??ഉണ്ടാവുമല്ലേ..??...
അങ്ങിനൊരു താഴ്വരയുണ്ടെങ്കില് സ്വപ്നഭാരങ്ങളെല്ലാം പേറി ആ താഴ്വരയിലെനിക്കെത്തണം...!!!
പൂത്തുലഞ്ഞു നില്ക്കുന്ന മന്ദാരങ്ങള്ക്കിടയിലെന് സ്വപ്നഭാരങ്ങളെ ഇറക്കി വെച്ച് എന്റെ മാത്രം മഞ്ഞമന്ദാരത്തെ തേടി അലയണം...
ആ താഴ്വരയിലാകെയവളെ തേടിയലഞ്ഞ് അവശനായ് നില്ക്കുന്ന വേളയില്
ദൂരെ ഒരു ഒറ്റമരച്ചുവട്ടിലായ് എനിക്കായ് കാത്തുനില്ക്കുമെന് മന്ദാരത്തെ കണ്ടെത്തണം......
ഓടിക്കിതച്ച് അവളുടെ മുന്നില് ചെന്നെത്തണം....
വിറയാര്ന്ന വിരല്ത്തുമ്പിനാല് അവളുടെ നിറമിഴികളിലൊളിക്കുമാ കണ്ണുനീര് കടലിന് അലകളെ തുടച്ചു നീക്കണം....
ഞാന് കണ്ട സ്വപ്നങ്ങളെയും സ്വപ്നങ്ങളിലെ താഴ്വരയെയും സ്വപ്നതാഴ്വരയിലെന്നെ കാത്തുനിന്നൊരാ മന്ദാരത്തെയും പറ്റിയവളോട് വാചാലനാവണം....
സ്വപ്നങ്ങള് പൂത്തുതുടങ്ങും വേളയിലൊരു കുഞ്ഞുപൂവിന്നിതളായവളുടെ മടിയില് വീണു മയങ്ങിയെന് സ്വപ്നങ്ങള് തന് തേരിലേറിയാ യാത്ര തുടരണം....!!!!
No comments:
Post a Comment